የበጎ አድራጎት ድርጅት በታክስ ተመላሽ ስርዓት ስለሚስተናገድበት ሁኔታ

ለሰብአዊ እርዳታ ስለሚውሉ እቃዎችና አገልግሎቶች የታክስ ነፃ መብት አፈፃፀምን አስመልክቶ በወጣ መመሪያ ቁጥር 23/2001 መሰረት የበጎ አድራጎት ድርጅት በታክስ ተመላሽ ስርዓት ስለሚስተናገድበት ሁኔታ የሚከተለውን ይላል።

የበጎ አድራጎት ድርጅት ለሰብአዊ እርዳታ ወደ አገር የሚያስገባቸውና በአገር ውስጥ የሚገዛቸው እቃዎች በታክስ ተመላሽ ሥርዓት የሚስተናገዱት ድርጅቱ፡-
1. የውጭ አገር ከሆነ ከውጭ ጉዳይ ሚኒስቴር እና ከገንዘብ ሚኒስቴር እውቅና ማግኘቱን የሚያሳይ ማስረጃ ሲያቀርብ፣
2. አገር በቀል ከሆነ በፍትህ ሚኒስቴር ወይም በሚመለከታቸው የክልል መስተዳደር አካል የተመዘገበ፣ የዘመኑ የታደሰ የምዝገባ ምስክር ወረቀት እና ለእርዳታ የተሰማራ መሆኑ ከግብርና ሚኒስቴር የተሰጠ ማረጋገጫ ሲያቀርብ፣

3. ድርጅቱ የእርዳታ ፕሮገራሙን ለግብርና ሚኒስቴር እና አግባብነት ላላቸው ተቋሞች አቅርቦ ከታክስ ነፃ ወይም በዜሮ ምጣኔ የሚስተናገደውን አቅርቦት ዝርዝርና መጠን፣ እንዲሁም የቆይታ ጊዜን የያዘ ከሚኒስቴር መስሪያ ቤቱ የተሰጠ ማስረጃ ያቀረበ ሲሆን ብቻ ነው፡፡
ምንጭ – የገቢዎች ሚኒስቴር

የተንቀሳቃሽ ምስል ዜናዎች
https://youtu.be/xDvZI2yd_Vk