በሀገራችን ዉስጥ ትራክተር ለማምረት እንዲሁም ሙሉ በሙሉ ለመገጣጠም የዉጭ ባለሃብት በማፈላለግ ላይ መሆኑን የአምዮ ኢንጂነሪንግ መስራችና ስራ እኪያጅ አቶ ኢብራሂም ያሲን ተናግረዋል፡፡
ለ18 አመታት በኢንጅነሪንግ ኢንደስትሪ እና የእርሻ መሳሪያዎችን የሚገጣጥመዉና የሚያመርተዉ ድርጅት የትራክተር ክፍሎችን ለማምረት እንዲሁም ሙሉ በሙሉ ለመገጣጠም የዉጭ ባለሃብት በመፈለግ ላይ እንደሆነ ተገልጿል፡፡አቶ ኢብራሂም ያሲን በስራ ባሳለፉት አመታት ድርጅቱ ከባንክ ብር ተበድሮ እንደማያዉቁ አሁን ግን ስራዉን ለማስፋፋት የዉጪ ባለ ሃብት ጋር ለመስራት ዝግጁ መሆናቸዉን በተለይ ለኒዉ ቢዝነስ ኢትዮጵያ አስታዉቀዋል፡፡
በተጨማሪም ትላልቅ ትራክተሮችንና ከዉጪ ከማስመጣት ሙሉ በሙሉ በሃገር ዉስጥ ለማምረትና እያደገ ያለዉን የእርሻ ኢኮኖሚዉን ማገዝ እንፈልጋለን ብለዋል፡፡ በኢትዮጵያ አብዛኛዉ የግብርና ስራ የሚከናወነዉ በሚሊዮኖች በሚቆጠሩ ባለ አንስተኛ ማሳ አርሶአደሮች ሲሆን የእነዚህ አርሶ አደሮች ስራ በአብዛኛዉን የሚከናወነዉ በበሬ ጫንቃ ላይ የተደገፈ እንደሆነ ይታወቃል፡፡ከቅርብ ገዜያት ወዲህ ግን እነዚህን አርሶአደሮች መሬታቸዉን በጋራ በትራክተር በማረስ የተሻለ ምርት ለገበያ እንዲያመርቱ ጥረት እየተደረገ መሆኑን ይታወቃል፡፡
[embedyt] https://www.youtube.com/watch?v=9GKAkNo3exk[/embedyt]