የዓለም የምግብ እና እርሻ ድርጅት ተጨማሪ ሶስት ሄሊኮፕተሮችን ለኢትዮጵያ ድጋፍ ያደረገ ሲሆን የግብርና ሚኒስትር አቶ ኡመር ሁሴን እና በኢትዮጵያ አለም የምግብ እና እርሻ ድርጅት ተወካይ ፋጡማ ሰይድ እንዲሁም ሌሎች ከፍተኛ ሃላፊዎች በተገኙበት የርክክብ ስነ ስርዓት በቦሌ አለምአቀፍ አየር ማረፊያ ተካሂዷል፡፡
በአለም የምግብ እና እርሻ ድርጅት ድጋፍ የተገኙት እነዚህ ሶስት ሄሊኮፕተሮች የበረሃ አንበጣ አሰሳ ስራን በማቀላጠፍ እና በጥቂት ጊዜ ዉስጥ ሰፊ ቦታ የሚሸፍን አሰሳ በማድረግና ተባዩን በመከላከልና በመቆጣጠር በግብርና ምርት ላይ የሚደርሰዉን ጉዳት ከመቀነስ አኳያ ትልቅ ድርሻ ይኖራቸዋል ተብሏል፡፡
የበረሃ አንበጣን በመከላከል ረገድ ድርጅቱ ካሁን በፊትም ለኢትዮጵያ ሁለት የኬሚካል መርጫ አዉሮፕላኖች እና የኬሚካል፣ የተሸከርካሪዎች እና ሌሎች መሳሪያዎች ድጋፍ ማድረጉን መዘገባችን ይታወሳል፡፡
(ምንጭ – የግብርና ሚኒስቴር)