የጠቅላይ ሚኒስትር አብይ ጥሪ ለዲያስፖራ, ለባለሀብቶች, ለምሁራን, ለወጣቶችና ለመንግስት ሰራተኞች

የጠቅላይ ሚኒስትር አብይ ጥሪ ለዲያስፖራ, ለባለሀብቶች, ለምሁራን, ለወጣቶችና ለመንግስት ሰራተኞች

የአማርኛ-ወሬዎች

የ2011 የፌደራል መንግስት በጀትን በተመለከተ ማብራሪያ ለመስጠት ዛሬ በህዝብ ተወካዮች ምክር ቤት የተገኙት የኢፌዴሪ ጠቅላይ ሚኒስትር ዶክተር አብይ አህመድ፥ በአዲሱ በጀት ዓመት ሀገሪቱ ጤነኛ ኢኮኖሚ እንደትይዝ ያግዛል ያሉትን ምክር ሀሳብ አቅርበዋል።

የጠቅላይ ሚኒስትሩ ምክር ሀሳብ በሀገር ውስጥ እና በውጭ የሚኖሩ ዜጎች የበኩላቸውን አስተዋፀኦ ለሀገራቸው ማበርከት የሚችሉበትን መንገድ የዘረዘረ ነው።

ለዲያስፖራ

በተለያዩ አለም ሀገራት የሚኖሩ ኢትዮጵያውን ዲያስፖራዎች የሚልኩትን ዶላር በባንክ ብቻ ሊያደርጉ ይገባል።

ይህም ህገ ወጥነትን ለመከላከልና ለመቀነስ እና በሀገር ደረጃ የተያዘውን ፍላጎት ለመመለስ ይረዳል።

ለዚህ ራሱን የቻለ ተቋም ማቋቋም የሚቻል ሲሆን፥ በዚህ ተቋም ዲያሰፖራዎች ከቀን ወጪያቸው አንድ ዶላር እንዲያስቀመጡ ይደረጋል።

በዚህም በሀገር ውስጥ ያለውን የልማት ስራ ለማከናወን ያስችላል፤ በማለት በትንሹ በየቀኑ በሀገሪቱ አንድ ሁለተኛ ደረጃ ትምህር ቤት እንደመገንባት መሆኑን አንስተዋል።

ይህን ካላደረገ ሌቦችን እየጠቀመ ደሃን እየጎዳ መሆኑን ሊገነዘብ ይገባልም ነው ያሉት።

ለባለሀብቶች

ባለሀብቶች ያላቸውን እውቀት በመጠቀም ተጨማሪ ኢንቨስትመንቶችን ወደ ማስፋፋት ይጠበቀባቸዋል።

ግብርን በመክፈል የሀገር ገቢ ማሳድግና፣ ባልተገባ የንግድ ስራዓት አለመነሰማራት እና ሀብት ማሸሸት ማቆም ይኖርባቸዋል።

ለምሁራን

ምሁራን ባላቸው እውቀት የተጀመሩ የልማት ስራዎች እንዲጠናቀቁ ድጋፍ እንዲያደርጉ እና ወጣቶችን በመቅረፅ በኩል በክረምት ወቅት የሀሳብ እና የእውቀት ድጋፍ ማቅረብ ይገባቸዋል።

ለወጣቶች

በሀገሪቱ ሰላም እንዲሰፍን ከፍተኛ ሚና እንዳላቸው እና ይህንንም ተግባራዊ ማድረግ ይገባቸዋል።

በክረምት ወቅት ነፃ አገልግሎትን በመስጠት ለኢኮኖሚው አስተዋፅኦ ማድረግ ይጠበቅባቸዋል።

ለመንግስት ሰራተኞች

የሚጠበቅባቸውን ሀላፊነት በአግባቡ በመወጣት ሌብነትን በመጠየፍ፣ ያልተገባ አሰራርን በማቆም አሁን የሚታየውን የሀብት ውስንነት መቅረፍ ይቻላል የሚል ሀሳብን ጠቅላይ ሚኒስትሩ አስቀምጠዋል።

በድምሩ ኢትዮጵያውያን በዚህ በጀት ያልተያ ሀብት ሊመጣ ይችላል። ይህም ሀብት ሊሆን የሚችለው ሁሉም ሀላፊነቱን መወጣት ሲችል ነው ብለዋል።

ሁሉም በተደመረ ክንድ፣ በተደመረ ጭንቅላት ፣ሀላፊነቱን መወጣት እና የስራ አጥነትን በመቀነስ አኮኖሚውን በማሳደግ የዘንድሮውን በጀት ዓመት ለማሳካት ጉልህ ሚና መጫዎት ያስችላል።

(በኤፍ.ቢ.ሲ)